ចំពោះសិល្បៈករល្បីៗ ប្រសិនបើមិនត្រូវបានខ្មែរក្រហមបង្ខំឲ្យធ្វើការលំបាកទេ​ ក៏ត្រូវបាន​ខ្មែរក្រហម​សម្លាប់ នៅក្នុងអំឡុង ឆ្នាំ១៩៧៥ រហូតដល់ឆ្នាំ១៩៧៩។ ប៉ុន្តែចំពោះ​ លោក កែវ ម៉ាលីស ជំនាញផ្លុំខ្លុយរបស់លោក បែរជាបានជួយជីវិត របស់លោកទៅវិញ។ លោកត្រូវបានខ្មែរក្រហមជ្រើសរើសឲ្យផ្លុំខ្លុយឲ្យអ្នកភូមិ និងកម្មាភិបាលខ្មែរ ក្រហមស្តាប់ ជារៀង រាល់យប់ដើម្បីបំបាត់ការនឹករលឹកក្រុមគ្រួសារដែលត្រូវបានបង្ខំឲ្យរស់នៅបែកគ្នា។ លោកបានរំលឹក នូវខ្សែជីវិតរបស់ខ្លួន នៅក្នុងរបបខ្មែរក្រហមជាមួយនឹងខ្លុយរបស់លោក។