ព្រលានយន្តហោះពោធិ៍ចិនតុង
អាកាសយានដ្ឋានអន្តរជាតិភ្នំពេញ
ដោយ ការីនិពន្ធ
នៅសម័យលន់នល់ អាកាសចរណ៍ដើរតួសំខាន់ណាស់ដោយសារតែផ្លូវទៅកាន់ខេត្តនានាជាច្រើន ត្រូវបានកាត់ផ្តាច់ ហើយតំបន់មួយចំនួនគឺជាតំបន់រំដោះស្ថិតនៅក្រោមការគ្រប់គ្រងរបស់កងទ័ពខ្មែរក្រហម។ សហរដ្ឋអាមេរិកដែលគាំទ្ររដ្ឋាភិបាលសាធារណរដ្ឋបានដឹកជំនួយរបស់ខ្លួនតាមរយៈយន្តហោះមកកាន់ព្រលានយន្តហោះពោធិ៍ចិនតុង។
ទោះបីរដ្ឋាភិបាលកម្ពុជាប្រជាធិបតេយ្យកាត់ផ្តាច់ខ្លួនស្ទើរតែទាំងស្រុងទៅនឹងពិភពលោកយ៉ាងណាក៏ដោយ ក៏អាកាសចរណ៍នៅតែមានដំណើរការ។ ព្រលានយន្តហោះពោធិ៍ចិនតុងជារឿយៗបានទទួលជំនាញការចិនជាច្រើន តាមរយៈប្រទេសម៉ាឡេស៊ី ឬវៀតណាមឬដោយផ្ទាល់ សម្រាប់ការទូតខ្មែរក្រហម ដែលបានធ្វើដំណើរមកកម្ពុជា ផ្តល់ការហ្វឹកហ្វឺនដល់កម្មាភិបាលខ្មែរក្រហម។ នាពាក់កណ្តាលឆ្នាំ១៩៧៥ មានបញ្ញវន្តខ្មែរ និងអ្នកការទូតនៃរណសិរ្យរួបរួមជាតិកម្ពុជាជាច្រើននាក់បានស្ម័គ្រចិត្តត្រលប់មកកម្ពុជាវិញ។ ពួកគេត្រូវធ្វើដំណើរទៅកាន់ទីក្រុងប៉េកាំងតាមរយៈជើងហោះហើរតែមួយដែលហោះមកកាន់រាជធានីភ្នំពេញ៕
