លោក​ កាក់ សុខន គឺជាអតីតសង្ឃមួយអង្គ ដែលបានលាចាកសិក្ខាបទដោយខ្លួនឯង ហើយបានចាកចេញពីវត្ត “សំរោងក្នុង” ដោយមានការភ័យ​ខ្លាច​ នៅ​ពេលដែលយោធាខ្មែរក្រហម បានចូលមកដល់ទឹកដីខេត្តបាត់ដំបង។ វត្តនេះ ត្រូវបានផ្លាស់ប្តូរទៅជា មន្ទីរសន្តិសុខនៅ សម័យខ្មែរក្រហម។ ខ្សែ​ភាព​យន្ត​ឯកសារនេះ បង្ហាញអំពីជីវិតរបស់ លោក សុខន និងភាពក្លាហានរបស់លោក ដែលបាន​ត្រឡប់ទៅកាន់វត្តសំរោងក្នុង ក្រោយពីហេតុការណ៍ដែលបានកើតឡើងអស់រយៈពេលជាង ៤០ឆ្នាំ។