អស់រយៈពេលជាង ១០០ឆ្នាំហើយ ចាប់ពីឆ្នាំ ១៩០៦ ដែលរបាំព្រះរាជទ្រព្យ ត្រូវបានសម្តែងជាលើកដំបូងនៅទីសាធារណៈទាំងក្នុង ស្រុក និងក្រៅ ប្រទេស។ របាំព្រះរាជទ្រព្យមាន ការវិវត្តពីមួយសម័យកាល ទៅមួយសម័យកាល។ ប៉ុន្តែ នៅក្នុងរបបកម្ពុជាប្រជាធិបតេយ្យ ទាំងការសម្តែង និងការហាត់រៀន គឺមិនមាន ឡើយ។ អតីតសិល្បការិនីរបាំព្រះរាជទ្រព្យមួយរូប ដែលបានរស់ឆ្លងកាត់របបនេះ បាននិយាយពីភាពលំបាក ក្តីស្រលាញ់ចំពោះសិល្បៈរបាំ និង ការចូលរួមលើកតម្តើង សិល្បៈរបាំបុរាណ មួយនេះឲ្យមានវត្តមានសារជាថ្មីបន្ទាប់ពីរបបកម្ពុជាប្រជាធិបតេយ្យបានដួលរលំនៅឆ្នាំ១៩៧៩។